1.ആമുഖം

 കോഴിക്കോട്  നാഷണല്‍  ഇന്സ്റ്റിറ്റ്യൂട് ഓഫ് ടെക്നോളജിയില്‍ നിന്നും രണ്ടു  വര്‍ഷത്തെ അവധിയില്‍ തുര്‍ക്കിയില്‍   ഒരു  യൂണിവേര്‍സിറ്റിയില്‍   ജോലി ചെയ്യുമ്പോള്‍  അദ്യം കിട്ടിയ  മദ്ധ്യവേനല്‍  അവധിക്കു ഇന്ത്യയിലേക്കു പോകണോ  മകളും  ഭര്‍ത്താവും  ഉള്ള  അമേരിക്കയിലേക്കു  പോകണോ  എന്നു  സംശയിച്ചു  നിന്നപ്പോള്‍  അവസാനം അമേരിക്കയിലേക്കു തന്നെയെന്നു തീരുമാനിച്ചു.  അന്നു തുര്‍ക്കിയില്‍ നിന്നു   വിമാനമാര്‍ഗം   ലണ്ടന്‍  വഴി മാത്രമേ അമേരിക്കക്കു  പോകാന്‍ കഴിയൂ. അപ്പോള്‍  കൂട്ടത്തില്‍  കുറച്ചു ദിവസം  ഇങ്ലണ്ടിലും  കഴിയാം എന്നു കരുതി.  മകന്‍റെ  സുഹ്റുത്തുക്കളായ  ചില  ഡോക്റ്റര്‍മാര്‍   താമസസൌകര്യം  ശരിയാക്കാമെന്നേറ്റു. അങ്ങനെ  2002 ലെ  വേനല്‍ക്കാലത്തു  ഇങ്ലണ്ടിലേക്കും  തുടര്‍ന്നു  അമേരിക്കയിലേക്കും  പോയ  യാത്രയും  അവിടെ  താമസിച്ചപ്പോള്‍  കണ്ട  കാഴ്ചകളെ കുറിച്ചും ആണിവിടെ  എഴുതുന്നതു. കുറെയൊക്കെ മുമ്പു ബ്ലോഗായി  പ്രസിദ്ധീകരിച്ചിരുന്നതു   ചെത്തിമിനുക്കി  ഈ പുസ്തകരൂപത്തിലാക്കി. വായിക്കുക, വിമര്‍ശിക്കുക.  അഭിപ്രായം  ഈമെയിലില്‍  അറിയിച്ചാല്‍  ഉപകാരം  ആയിരിക്കും.

കെ.പി. മോഹന്‍  ദാസ് (kp.mohandas62@gmail.com

Comments

Post a Comment

Popular posts from this blog

2.ഇങ്ലണ്ടിലേക്ക് ആദ്യമായി

Image
  തുര്‍ക്കിയിലെ ചുക്കുരോവ ( Cukurova  University, Adana)  സര്‍വകലാശാലയില്‍  നിന്നു മധ്യവേനല്‍ അവധി കിട്ടിയപ്പോഴാണു കുട്ടികള്‍  അമേരിക്കയിലേക്കു പോരാന്‍ പറഞ്ഞത്. ഇന്ത്യയിലേക്കും അമേരിക്കയിലേക്കും മിക്കവാറും തുല്യദൂരവും യാത്രാച്ചിലവും ആയതുകൊണ്ടു കുറെ ആലോചിച്ചതിനു ശേഷം അമേരിക്കയിലേക്കു പോകാന്‍ തന്നെ തീരുമാനിച്ചു. ലണ്ടന്‍ വഴി പോകണം , അതു കൊണ്ടു രണ്ടാഴ്ച ഇംഗ്ലണ്ടില്‍ കഴിയാമെന്നും കരുതി. ഇംഗ്ലണ്ടില്‍ ജോലി ചെയ്യുന്ന മകന്റെ ഡോക്ടര്‍ സുഹൃത്ത്  താമസസൌകര്യം ശരിയാക്കാമെന്നു വാഗ്ദാനം ചെയ്തു. വലിയ ബുദ്ധിമുട്ടില്ലാതെ അങ്കാറായില്‍ പോയി ആറുമാസത്തെ  വിസ അപേക്ഷിച്ചപ്പോള്‍  പത്തു വര്‍ഷത്തെ അമേരിക്കന്‍ വിസയും ശരിയാക്കി. ബ്രിട്ടീഷ് വിസ തപാലില്‍   തന്നെ കിട്ടി. പക്ഷെ ചുക്കുറോവയില്‍ സഹപ്രവര്‍ത്തകനായ പ്രൊഫ. റിചാര്‍ഡ്സണ്‍ എന്ന സായിപ്പു ഓരോ കാര്യം പറഞ്ഞു നിരുത്സാഹപ്പെടുത്താന്‍ തുടങ്ങി. തുര്‍ക്കിയില്‍ നിന്നു ധാരാളം മയക്കുമരുന്നു ഇംഗ്ലണ്ടിലേക്കു കടത്തുന്നുണ്ടെന്നും അതിന് സഹായികളാകുന്നതു കൂടുതലും ഇന്ത്യക്കാരും പാകിസ്താനികളും ആണെന്നും മറ്റും. ഇംഗ്ലണ്ടിലേക്കു പാരീസില...
Read more

4.ലണ്ടന്‍ നാഷണല്‍ ആര്‍ട്ട് ഗാലറി

Image
  ഞങ്ങള്‍ താമസിച്ചിരുന്ന കവന്ററിയില് നിന്നു ലണ്ടനിലേക്കുള്ള 150 കി . മീ . യാത്ര നാഷണല് എക്സ്പ്രെസ്സില് തന്നെയാക്കി . ഇന്ഗ്ലണ്ടിലെ നാട്ടിന്പുറത്തു കൂടിയുള്ള യാത്ര ആസ്വാദ്യകരമാണെങ്കിലും പല ദിവസങ്ങള്‍ ആയപ്പോള്‍ ആവര്തന വിരസത തോന്നി തുടങ്ങി . ശ്രീമതിക്ക് ശാരീരികമായും ചെറിയ ബുദ്ധിമുട്ടുകളനുഭവപ്പെട്ടു തുടങ്ങുകയും ചെയ്തു .   എന്നാലും വല്ലപ്പോഴും കിട്ടുന്ന ഒരു അസുലഭ അവസരം പാഴാക്കാന് തോന്നിയില്ല . ലണ്ടനില് ഞങ്ങളെ ഏറ്റവും ആകറ്ഷിച്ചതു നാഷണല് ആര്‍ട്ട് ഗാലെറി , മദാം തുസാദിന്റെ പ്രതിമകള് എന്നിവ ആയിരുന്നു .   നാഷണല്ആര്‍ട്ട് ഗാലറിയില് ഇല്ലാത്ത  സാധനങ്ങളില്ല  എന്ന് തന്നെ പറയാം . സൂര്യനസ്തമിക്കാത്ത രാജ്യമായിരുന്നതു കൊണ്ടു ലോകത്തിന്റെ എല്ല ഭാഗത്തു നിന്നും കൊണ്ടു വന്ന കൌതുക വസ്തുക്കള് ഇവിടെയുണ്ട് . ഏഷ്യന് രാജ്യങ്ങളാണ് പരമാവധി സംഭാവന ചെയ്തിട്ടുള്ളതു ,  നമ്മുടെ ഇന്ത്യ അതില്‍ ഒട്ടും പിന്നോക്കമല്ല . . പിത്തളയിലും ഓടിലും നിര്മിച്ച കൂറ്റന് നടരാജ വിഗ്രഹം , കരിങ്കല്ലില് തീര്ത ലക്ഷ്മിയുടെയും മുരുകന്റെയും ഗണപതിയുടെയും കമനീയ വിഗ്രഹങ്ങള്‍ എല്ലാം സായിപ്പന്മാര് കപ്പല് മാര്ഗം കേ...
Read more